MONDO CANE di Gian Luigi Deiana di admin · Pubblicato 27 Gennaio 2020 · Aggiornato 27 Gennaio 2020 MONDO CANE di Gian Luigi Deiana Su mundu si furriat tantas bortas e che òrtula sos pese conca a susu su dimoniu si bestit che zesusu e sas ìas derettas paren tortas A sonare campaneddos in sas portas no est unu pitzinnu nè un’intrusu est su potente ch’ iscudet su soprusu e riet cun su risu ‘e animas mortas Chie ghettad in su mundu sa peus droga semenande venenu in tantu ispacciu biccad in muntonarzu che corroga Ma si narat de ‘onnia conca e cazzu ca su tzugu che torrat a sa soga fina cando s’istringhet in su lazzu
